Speakkeys.com تعليم اللغة الانجليزية للمبتدئين من الصفر Speakkeys.com تعليم اللغة الانجليزية للمبتدئين من الصفر

آخر الأخبار

جاري التحميل ...

الفرق بين ( Resume & CV & Portfolio ) ؟

  الفرق بين ( Resume & CV & Portfolio ) ؟

الفرق بين ( Resume & CV & Portfolio ) ؟

🌗 هما تقريباً ليهم نفس المعني ( سيرة ذاتية ) لكن فيه إختلافات بينهم في طريقة الكتابة.


✴️ ال "Resume" :


📍 كلمة فرنسية تعني ملخص و من معناها فهو بيكون ملخص تفاصيل كل مهارات ، كفاءات ، إنجازات ، التاريخ الوظيفي والتعليمي و البيانات الشخصية ليك وبيركز ال ( resume ) على مهارات معينة ليك تكون ماشيه مع الوظيفة اللى عاوز تقدم فيها.


📍 ال ( resume ) مقارنة بال ( CV ) بيكون أصغر عشان بيعتمد بس على الكفاءات المتعلقة بالوظيفة يعني من الآخر بيكون متفصل عشان وظيفه معينه.


📍 ال ( Resume ) غالباً بيكون صفحة واحدة بس، أو صفحتين بحد أقصي لو عندك تاريخ مهني كبير.


📍 ال ( Resume ) بتقدر تقدم بيه على أي وظيفة بره مجال تخصصك.


✴️ ال "CV" :


📍 هو إختصار من حرفين لكلمة ( Curriculum Vitae ) وببساطة هو عبارة عن وثيقة كاملة بتحتوي على كل تاريخك الدراسي والمهني، بكل التفاصيل والشهادات والتقديرات والإنجازات سواء كانت ذات صلة أو ليست ذات صلة بالوظيفة أو الجهة اللي إنت هتقدملها.


📍 ال ( CV ) غالباً عدد صفحاته بيكون أكتر من ال ( Resume ) يعني تقريباً من صفحتين ل ( 4 : 5 ) صفحات.


📍 ال ( CV ) بتقدر تقدم بيه على الوظائف اللي في مجال تخصصك فقط لا غير.


✴️ ال "Portfolio" :


📍 بيستخدمه دائماً الفنانين ، ومصممي الأزياء ، ومصممي الديكورات و المصورين يعني الناس اللى دائماً بتحتاج توثق شغلها وده نوع ملوش عدد محدد من الصفحات عشان بيبقي فيه معلومات كتير زي عينات العمل ، تصاميم ، كفاءات و إنجازات الشخص.


📍 والنوع ده بيبقي أكثر دقه مقارنة بالـ ( CV , Resume ) بالنسبه للفنانين عشان بيبقي فيه شغلهم الممكن يتحكم عليهم منه.


🟪 بنسبه للفرق بين ال "C.V" وال "Resume" بتفصيل أكثر يختلف مفهوم ال "C.V" عن مفهوم ال "Resume" فى (3) نقاط كالاتى :


☀️ أولاً / الغرض :


🌹 C.V :

الغرض منه عرض تاريخك المهنى والدراسى بشكل تفصيلى ويستخدم أكثر للتقديم على المنح الدراسية والأكاديمية كالأبحاث أو الدراسات العليا.


🌹 Resume :

الغرض منها عرض مختصر لمؤهلاتك ، خبراتك ومهاراتك المرتبطة بوظيفة معينة لتوضيح إنك أنسب حد للوظيفة أو التدريب ده ، وتستخدم فى التقديم على فرص العمل.


☀️ ثانياً / المحتوى :


🌼 C.V :

ممكن توضح فيه كل مؤهلاتك العملية والدراسية زى خبراتك والأبحاث و المنح الدراسية وتعليمك والجوائز اللى حصلت عليها أو مقالات نشرتها.


🌼 Resume :

يذكر فيها الخبرات والمهارات والمؤهلات اللى ليها علاقة بالوظيفة اللى إنت مقدم عليها فقط ، ويتم تغييرها وتعديلها على حسب كل وظيفة بتقدم عليها.


☀️ ثالثاً : عدد الصفحات :


🌻 C.V :

على الأقل بيكون صفحتين وممكن يبقى أكثر من كده على قدر الإحتياج والأهمية.


🌻 Resume :

الأفضل إنها تكون صفحة واحدة أو صفحتين على الأكثر.


🟪 طيب إمتي نقدر نستخدم ال "CV" وإمتي نستخدم ال "Resume" ؟


🌸 زي موضحنا قبل كده إنه بيختلف الإستخدام من بلد لآخر، يعني مثلاً في الولايات المتحدة وكندا بيعتمدوا أكثر على ال "Resume" في التقديم للوظائف وعلى العكس في بريطانيا وأوروبا إستخدام ال "CV" هو الشائع.


🟪 الخلاصة :


📍 مسمى "C.V" هو الأكثر إنتشاراً والمتعارف عليه عندنا،و مش كل الناس تعرف الفرق ده.


📍 ومعظم الشركات هتلاقيها بتقولك ابعتلنا ال "C.V" بتاعك وقليل منهم اللى بيقول "Resume" عشان بس ده المسمى المتعارف عليه عند الناس.


🟪 الأصل :


🌷 وأنت بتقدم على أى وظيفة أو تدريب إستخدم أسلوب ال "Resume" فى عرض مؤهلاتك وخبراتك وليس مفهوم ال "C.V" لأنك محتاج تعرض بس الحاجة اللى تقنع بيها الشركات إنها تقبلك وتقنعهم بيك مش كل حاجة عملتها فى حياتك.


🌷 محدش عنده وقت يعرف قصة حياتك كلها ، فى مئات غيرك بيقدموا على نفس الوظائف إستخدم أسلوب ال "Resume" فى الكتابة ، وفى عرض مؤهلاتك وخبراتك بشكل مختصر ومقنع.

المزيد من مواضيع  مفاتيح اللغات و الامتحانات و الدروس ...  على www.speakkeys.com

لَا تقرأ و ترحل، شاركنا برأيك. فتعليقاتكم و لو بكلمة “شكرا”
هِيَ بمثابة تشجيع لنا للاستمرار

 كَمَا يمكنكم متابعتنا عَلَى صفحة الفايسبوك وَعَلَى التلغرام وَعَلَى  بينتيريست و أخبار جوجل   

عن الكاتب

الإدارة

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

Speakkeys.com تعليم اللغة الانجليزية للمبتدئين من الصفر